 |
| HISTORIA |
| Quí sabe cuán,
cómo y porqué surtión os diaples, pero lo que sí
ye berdá ye que una colla de chen embrecada en a luita por a conserbazión
d'a luenga y cultura aragonesa, en 1992 un día de carnabals (San
Chuan de Chistau) s'achuntón y se disbrazón de diaples, belún
foteba fuego, l'atro enzurizaba a la chen, un atro encorreba a las mesachas
con petardos, etz. Bai, por un regular, lo que se fa en carnabals... |
| Mesmo sin saber cómo
tamién se beyón embrecaus en potestas como a luita en contras
d'a linia d'alta tensión que trescruzaba por os Perineus (Chistau-Cazaril)
y en contras d'a pulitica d'entibos que yera y ye alueñando a la
chen d'as suyas casas y puestos de treballo, lebando una representazión-protesta
clamada "Cremando inchustizias". An se i cremaba un maquinichot
que representaba una torre d'alta tensión, un entibo, un fumaral,
etz. |
| Parar cuenta cómo
estaría a ilusión con que autuábanos y l'adrenalina
que gastábanos cuan cremábanos piroteunia que determinemos
fer una colla alto u baxo estable en 1993, con espeutaclos como "Purnas
a tutiplé" u "La engalzada de Lacuerco". |
| Pero dimpués
de 1996, con a dentrada de bels 10 integrans nuebos, mantenendo asinas alto
u baxo a colla estable d'un menimo de 15 presonas por autuazión,
a colla prenzipiaba a estar más fuerte. Mos dixemos aconsellar por
espezialistas en l'animazión de carrera, que fizon que os nuestros
espeutaclos estasen millor tarabidaus, más bisuals y atrautibos. |
 |
|
"Diaples, diaplerons beniz a camatons" (foto colla 1996
Figueruelas) |
| Por
Os Diaples d'a Uerba ye pasada muita chen, pos ye un grupo que treballa
dende o boluntariau ta la recuperazión d'as tradizions d'o fuego
en Aragón y en aragonés. Toz os que son diaples y toz os que
son estaus bella begada han alportau a Diaples parti d'a suya presonalidá,
por ixo Diaples ye muito más que una colla d'animazión, y
por ixo podemos dizir que si yes diaple u lo yes estau, continas estando-ne
ta cutio. |
 |
| "Diaples,
diaplerons beniz a cremar tot" (foto colla 2006 Gallur) |
| Son
pasaus 10 años d'una foto ta l'atra y podría estar a mesma.
No berdá? |
 |