| A mosica en os espeutaclos
de Diaples siempre ye en bibo y direuto, consiste en una replega de
mosicas tradizionals aragonesas fotendo-lis, dende Diaples, una enterpretazión
diaplerenca; lebando asinas, ta o mundo d'os diaples istas melodías,
fusionando-las con atras tradizions foranas y fendo-las de nusatros.
Asinas emplegamos dende toques tradizionals de dolzainas y gaitas
de boto dica toques de percusión de Semana Santa y atros sons
africans u brasilers.
Ista fusión diaplerenca tamién se troba en os trastes que emplegamos: gaita de boto, dolzaina, cuerno, tubo corrucau... y en as percusions: caxa, bombos, zimbals, xurdo, djembé, darbuca, esquillas, esquilas, sartainas, caserolas, tochez... |
 |
Trespuntiau:
Ista danza estió replegada en A Fueba por o grupo Biello Sobrarbe, anque ye común a muitos atros lugars d'ixa redolada. A suya melodía ye d'aspeuto primitibo y tien o mesmo estilo que bellas danzas zeltas. Ye enterpretada nomás que con trastes de percusión d'orichen casalero, sartainas, cullaras, morters, botellas.. Se crei que estió en l'empezipiallo una danza de pastors pero dica nusatros ye arribada como baile de parellas
(Danzas del Sobrarbe, Isabel Riazuelo-Orquestina del Fabirol, CAI-DGA 2000)
Contradanza de Zetina:
A contradanza ye un espeutaclo muito peculiar. Se zelebra a nuei d'o 19 de mayo en a plaza d'a Billa de Zetina. Preside a representazión una imachen de San Chuan Lorién, patrono d'a localidá. Acompañaus por una melodía apegallosa (que estió replegada en 1920 por Vicente Pelegrín Hernando) güeito contradanzers y un diaple bailan con tiedas enzendidas y puyando-sen unos a caballo d'atros fan una serie de cuadros plasticos. Istas mudanzas son relazionadas con temas relichiosos, con l'augua, con animals, con ochetos... O repertorio de feguras ye amplo y puede cambear d'una representazión t'atra, pero siempre remata con a resura y muerte d'o diaple.
(La contradanza de Cetina, Joaquín Ibáñez Lacruz, DPZ 2001)
O broquel:
Bariazión sobre a mudanza d'espadas d'o mesmo nombre d'o danze de Castillón de Monegros. En Castillón o danze se zelebra t'as fiestas de Santiago y Santa Ana, entre o 25 y o 28 de chulio. Seguntes mos ne conta Simeón Serrate, o suyo mairal, o danze yera l'alazet d'a fiesta....El dance era muy querido y admirado por todo el pueblo. Estaba muy bien considerado el dance: era una joya, la que daba alegría y brillanted a la fiesta. Sin el dance la fiesta no hubiera sido nada...
(Historia del antiguo dance de Castejón de Monegros, Simeón Serrate, PLIEGOS monografías de la Asociación de Gaiteros de Aragón 1999)O rocle:
Ista pieza estió replegada en a localidá d'Arén, en a Ribagorza oriental. Se recordaba como un baile d'ombres arredol d'o fuego que disparexió dimpués d'a Guerra Zebil. En a suya recuperazión ba quedar combertiu en un baile de parellas arredol d'una foguera.(La Birolla, Deban d'o camin, Coda Out 2003)
ELjilguerillo(a cardelina):
Bariazión sobre a mudanza de palos clamada "el gergerillo" d'o danze de L'Almolda. Se representa en as fiestas de Santa Quiteria y San Úrbez, os días 22 y 23 de mayo. Yera formau en o suyo orichen por 16 ombres, organizaus en cuatro cuadros más un zinqueno cuadro de ninos clamaus "bolantes". Enguán se i han adibiu dos nuebos cuadros de mullers.
(La gaita en los Monegros, Luis Miguel Bajén-Mario Gros, Aragón LCD Prames 1999)
La zorra(A raposa):
O baile d'a Zorra ye uno d'os elementos más carauteristicos y impreszindibles d'as fiestas de Lechago. A suya antigüedá i plega a o menos t'os sieglos XVI-XVII y a suya mosica s'encuadra drento d'as melodías clamadas chenericamén "billanos". A suya execuzión se fa en rematar cadaguna d'as sesions de baile en as fiestas patronals en a plaza d'o lugar. Os partizipans, a o son d'a mosica, ban chirando arredol d'a plaza de bez que fan chirar, con a man alto, as correyas con as que os bailadors s'enzurizan.
(El baile de la zorra de Lechago, Agustín Martín Soriano,
Revista de la Asociación de Gaiteros de Aragón primavera
1994)
